Smiley face

ਕੀ ਹੈ ਆਸਾ ਬੁੱਟਰ ਪੰਚਾਇਤ ਚੋਣਾਂ ਦੀ ਤਾਜਾ ਰਿਪੋਰਟ


ਲਖਵੀਰ ਸਿੰਘ ਬੁੱਟਰ / ਪਿੰਡ ਆਸਾ ਬੁੱਟਰ ਵਿੱਚ ਪੰਚਾਇਤ ਚੋਣਾਂ ਦੀਆਂ ਸਰਗਰ ਮੀਆਂ ਸਿਖਰਾਂ ਤੇ ਹਨ । ਸਰਪੰਚੀ ਦੇ ਅਹੁਦੇ ਵਾਸਤੇ ਲੜ ਰਹੇ ਉਮੀਦਵਾਰਾਂ ਦਾ ਜੋਰ ਤਾਂ ਲੱਗ ਹੀ ਰਿਹਾ ਪਰ ਉਸਦੇ ਨਾਲ ਨਾਲ ਕੁਝ ਵਾਰਡਾਂ ਵਿੱਚ ਪੰਚ ਦੇ ਪਦ ਲਈ ਹੋ ਰਿਹਾ ਮੁਕਾਬਲਾ ਬਹੁਤ ਰੋਚਕ ਤੇ ਸਿਰ ਧੜ ਦੀ ਬਾਜੀ ਦਾ ਹੈ । ਆਓ ਅਜਿਹੇ ਵਾਰਡਾਂ ਤੇ ਨਜਰ ਮਾਰਦੇ ਹਾਂ । ਸਭ ਤੋਂ ਗੱਲ ਕਰਦੇ ਹਾਂ ਵਾਰ੍ਡ ਨੰਬਰ 5 ਦੀ ਇਸ ਵਾਰ੍ਡ ਵਿੱਚ ਤਿੰਨ ਪਿਛਲੀ ਪੰਚਾਇਤ ਦੇ ਮੈਂਬਰ ਹਨ । ਗੁਰਮੇਲ ਸਿੰਘ ਰਾਜਾ , ਜਸਕਰਨ ਸਿੰਘ ਜੱਸੀ ਤੇ ਨਿਰੰਜਨ ਸਿੰਘ ,,ਪਰ ਨਿਰੰਜਨ ਸਿੰਘ ਉਰਫ ਭੂਰਾ ਸਿੰਘ ਇਸ ਵਾਰ ਚੋਣ ਮੈਦਾਨ ਚ ਨਹੀਂ ਹਨ । ਪਰ ਗੁਰਮੇਲ ਸਿੰਘ ਰਾਜਾ ਤੇ ਜਸਕਰਨ ਸਿੰਘ ਜੱਸੀ ਦੋਵੇਂ ਚੋਣ ਲੜ ਰਹੇ ਹਨ । ਜਸਕਰਨ ਸਿੰਘ ਇਸ ਵਾਰ ਕਿਸੇ ਨਵੇਂ ਚੇਹਰੇ ਤੇ ਸਹਿਮਤੀ ਬਣਾਉਣ ਦੇ ਹੱਕ ਵਿੱਚ ਸਨ ਪਰ ਗੁਰਮੇਲ ਸਿੰਘ ਆਪ ਚੋਣ ਲੜਨ ਦੇ ਹੱਕ ਚ ਸੀ । ਇੱਕ ਵੇਲਾ ਅਜਿਹਾ ਵੀ ਸੀ ਕਿ ਲੋਕ ਗੁਰਮੇਲ ਸਿੰਘ ਰਾਜਾ ਨੂੰ ਸਰਪੰਚੀ ਦਾ ਦਾਵੇਦਾਰ  ਮੰਨ ਰਹੇ ਸਨ । ਪਰ ਹੁਣ ਦੀ ਸਥਿਤੀ ਤੋਂ ਲਗਦਾ ਹੈ ਕਿ ਪੰਚ ਬਣਨ ਵਾਸਤੇ ਵੀ ਬਹੁਤ ਮਿਹਨਤ ਕਰਨੀ ਪਉ । ਜੇਕਰ ਜਸਕਰਨ ਸਿੰਘ ਚੋਣ ਹਾਰਦਾ ਹੈ ਤਾਂ ਉਸ ਵਾਸਤੇ ਜਿਆਦਾ ਨਮੋਸ਼ੀ ਦੀ ਗੱਲ ਨਹੀਂ ਹੋਵੇਗੀ ਕਿਉਂਕਿ ਉਹ ਸਿਰਫ ਪੰਚ ਪਦ ਦਾ ਉਮੀਦਵਾਰ ਹੈ ਪਰ ਜੇਕਰ ਰਾਜਾ ਸਿੰਘ ਹਾਰਦੇ ਹਨ ਤਾਂ ਉਸ ਵਾਸਤੇ ਨਮੋਸ਼ੀ ਦਾ ਕਰਨ ਇਸ ਕਰਕੇ ਹੋਵੇਗਾ ਕਿਉਂਕਿ ਗੁਰਮੇਲ ਸਿੰਘ ਰਾਜਾ ਨੂੰ ਕੁਝ  ਸਮਾਂ ਪਹਿਲਾਂ ਮਜਬੂਤ ਸਰਪੰਚ ਪਦ ਦਾ ਦਾਵੇਦਾਰ ਵੇਖਿਆ ਜਾ ਰਿਹਾ ਸੀ , ਤੇ ਜੇ ਉਹ ਹੁਣ ਮੈਂਬਰ ਵੀ ਨਾਂ ਬਣੇ ਤਾਂ ਬਹੁਤ ਨਿਰਾਸ਼ਾ ਵਾਲੀ ਗੱਲ ਹੋਵੇਗੀ ।  ਦੋਵੇਂ ਅਕਾਲੀ ਦਲ ਨਾਲ ਸੰਬਧਤ ਹਨ । ਇੱਕ ਗੱਲ ਤਾਂ ਸਾਫ਼ ਹੈ ਕਿ ਦੋਹਾਂ ਮੈਬਰਾਂ ਚੋਂ ਜੋ ਕੇ ਅਕਾਲੀ ਦਲ ਦੇ ਆਗੂ ਵੀ ਹਨ ਉਹਨਾਂ ਵਿਚੋ ਸਿਰਫ ਇੱਕ ਹੀ ਰਹੇਗਾ ਤੇ ਦੋ ਮਜੂਦਾ ਵਿਚੋਂ ਘਰ ਬੈਠਣਗੇ । 
__________________________________________

ਵਾਰਡ  ਨੰ : 6  ਹੁਣ ਗੱਲ ਕਰਦੇ ਹਾਂ ਵਾਰਡ 6 ਦੀ  ਇਸ ਵਾਰਡ ਵਿੱਚ ਭੁੱਟੀ ਵਾਲਾ ਰੋਡ , ਫਿਰਨੀ ਗੁਰੂਦਵਾਰਾ ਸਾਹਿਬ , ਸੁਖਦੇਵ ਨੰਬਰਦਾਰ , ਨਸੀਬ ਸਿੰਘ ਵਾਲੀ ਗਲੀ ਖਿੜਕੀਆਂ ਵਾਲਾ ਰਾਹ , ਮੇਹਰ ਪ੍ਰੇਮੀ ਵਾਲੀ ਗਲੀ ਆਉਂਦੇ ਹਨ । ਇਸ ਵਾਰਡ ਵਿਚ ਤਿੰਨ ਉਮੀਦਵਾਰ ਮੈਂਬਰ ਦੇ ਪਦ ਲਈ ਚੋਣਾਂ ਲੜ ਰਹੇ ਹਨ , ਦੋ ਉਮੀਦਵਾਰ ਤਾਂ ਪਹਿਲੀ ਵਾਰ ਚੋਣ ਮੈਦਾਨ ਚ ਹਨ , ਇੱਕ ਤਾਂ ਹਰਜਿੰਦਰ ਸਿੰਘ ਖਾਲਸਾ ( ਨੰਬਰਦਾਰ ) ,ਜਗਦੇਵ ਸਿੰਘ ਪੁੱਤਰ ਨਿਹਾਲਾ ਸਿੰਘ , ਅਤੇ   ਜੀਤਾ ਸਿੰਘ ਪੁੱਤਰ ਅਲਬੇਲ ਸਿੰਘ  ।
ਜੀਤਾ ਸਿੰਘ ਤੇ ਹਰਜਿੰਦਰ ਸਿੰਘ ਦੇ ਵਿਚਕਾਰ ਮੁਕਾਬਲਾ ਹੈ ਤੇ ਦੋਵੇਂ ਅਕਾਲੀ ਦਲ ਨਾਲ ਸੰਬਧਤ ਹਨ । 
_____________________________________
ਵਾਰਡ  ਨੰ : 4 :
ਵਾਰਡ ਨੰ 4 ਵਿੱਚ ਬਿਨਾਂ ਮੁਕਾਬਲੇ ਹੀ ਬਹੁਤ ਹੀ ਸੂਝਵਾਨ ਸ਼ਖਸ਼ੀਅਤ ਗੁਰਜੰਟ ਸਿੰਘ ਉਦੇਕਰਣ ਨੂੰ ਸਰਭ੍ਸੰਮਤੀ ਨਾਲ ਚੁਣ ਲਿਆ ਗਿਆ ਹੈ । ਇਥੇ ਜਿਕਰਯੋਗ ਹੈ ਕਿ  ਇਸ ਵਾਰਡ ਵਿਚ ਦੋ ਮਜੂਦਾ ਮੈਂਬਰ ਸਨ ਸ. ਸੁਖਦੇਵ ਸਿੰਘ ਪ੍ਰਧਾਨ ਤੇ ਸੁਖਦੇਵ ਸਿੰਘ ਫੌਜੀ ਪਰ ਦੋਵਾਂ ਨੇ ਇੱਕ ਨਵੇਂ ਉਮੀਦਵਾਰ ਗੁਰਜੰਟ ਸਿੰਘ ਨੂੰ ਮੌਕਾ ਦੇ ਕੇ ਨਵੀਂ ਮਿਸਾਲ ਕਾਇਮ ਕੀਤੀ ।
____________________________
ਵਾਰਡ  ਨੰ : 7 : ਵਾਰਡ ਨੰ 7 ਵਿੱਚ ਬਿਨਾਂ ਕਿਸੇ ਮੁਕਾਬਲੇ ਰਣਜੀਤ ਸਿੰਘ ਜੀਤਾ ਪੁੱਤਰ ਤੇਜਾ ਸਿੰਘ ਕੋਠਿਆਂ ਵਾਲੇ ਉਸ ਨੂੰ ਮੈਂਬਰ ਚੁਣ ਲਿਆ ਗਿਆ ਹੈ । ਇਹ ਵਾਰਡ ਪ੍ਰਾਇਮਰੀ ਸਕੂਲ ਦੇ ਸਾਹਮਣੇ ,ਪੁਲ ਦੇ ਸਾਹਮਣੇ  ਫਿਰਨੀ ਕੋਠੀ ਤੇ ਫੋਕਲ ਪੁਈੰਟ , ਗੁੜੀ ਸੰਘਰ ਤੇ ਸੂਰੇਵਾਲਾ ਰਾਹ ਤੱਕ ਹੈ । ਇਸ ਵਾਰਡ ਵਿਚ ਦੋ ਬੰਦਿਆਂ ਤੇ ਸਹਿਮਤੀ ਦੀ ਗੱਲ ਚੱਲੀ ਸੀ ਨੰਬਰ ਇੱਕ ਤੇ ਸਵਰਨਜੀਤ  ਬਰਾੜ ਉਰਫ ਜੀਤਾ ਸਿੰਘ ਦੋਦੇਵਾਲੇ ਤੇ ਦੂਸਰੇ ਸਨ ਰਣਜੀਤ ਸਿੰਘ ਪਰ ਸਵਰਨਜੀਤ ਬਰਾੜ ਨੇ ਖੁਦ ਹੀ ਰਣਜੀਤ ਸਿੰਘ ਨਾਲ ਸਹਿਮਤੀ ਜਤਾ ਕੇ ਏਕਤਾ ਦਾ ਸਬੂਤ ਦਿੱਤਾ ਤੇ ਬਿਨਾਂ ਚੋਣ ਦੇ ਆਪਣੇ ਵਾਰ੍ਡ ਦਾ ਮੈਂਬਰ ਤੈਅ ਕਰ ਦਿੱਤਾ ।

ਬਾਕੀ ਵਾਰਡਾਂ ਦੀ ਜਾਣਕਾਰੀ ਤੇ ਤਾਜਾ ਰਿਪੋਰਟ ਲਈ ਰੋਜਾਨਾ ਫੇਰੀ ਪਾਉਂਦੇ ਰਹੀਆਂ : ਲਖਵੀਰ ਸਿੰਘ ਬੁੱਟਰ 

More

Most Trending