Showing posts with label ਸਹਾਰਾ ਖਬਰਾਂ. Show all posts
Showing posts with label ਸਹਾਰਾ ਖਬਰਾਂ. Show all posts

 ਸਮੁੱਚੇ ਪਿੰਡ ਵੱਲੋਂ ਇਸ ਉਪਰਾਲੇ ਦੀ ਸ਼ਲਾਘਾ 

ਇਲਾਕੇ ਦੀ ਸਮਾਜ ਸੇਵੀ ਸੰਸਥਾ ਸਹਾਰਾ ਜਨ ਸੇਵਾ ਸੁਸਾਇਟੀ ਵੱਲੋਂ ਪਿੰਡ ਦੇ ਗਰੀਬ ਤੇ ਅਪੰਗ ਵਿਅਕਤੀ ਚੀਨਾ ਸਿੰਘ ਦੇ ਘਰ ਦੀ ਮੁਰੰਮਤ ਕਰਵਾਈ ਗਈ | ਜਾਣਕਾਰੀ ਦਿੰਦਿਆ ਸੁਸਾਇਟੀ ਦੇ ਸਾਬਕਾ ਪ੍ਰਧਾਨ ਤੇ ਸੰਸਥਾਪਕ ਮੈਂਬਰ 
ਲਖਵੀਰ ਸਿੰਘ ਬੁੱਟਰ ਨੇ ਦੱਸਿਆ ਕੇ ਕੁਝ ਸਮਾਂ ਪਹਿਲਾਂ ਬਾਰਸ਼ ਦੇ ਦਿਨਾਂ ਵਿੱਚ ਚੀਨਾ ਸਿੰਘ ਦੇ ਕਮਰੇ ਦੀ ਛੱਤ ਦਾ ਇੱਕ ਹਿੱਸਾ ਡਿੱਗ ਪਿਆ ਸੀ ਜਿਸ ਕਰਕੇ ਅਪਹਾਜ ਚੀਨਾ ਸਿੰਘ ਦੇ ਪਰਿਵਾਰ ਕੋਲ ਰਹਿਣ ਨੂੰ ਛੱਤ ਦਾ ਸਹਾਰਾ ਵੀ ਨਹੀਂ ਸੀ ਰਿਹਾ | ਉਹਨਾਂ ਦੱਸਿਆ ਕੇ ਉਕਤ ਵਿਅਕਤੀ ਦੇ ਪਰਿਵਾਰ ਵਿੱਚ ਉਸਦੀ ਘਰਵਾਲੀ ਤੋਂ ਇਲਾਵਾ ਤਿੰਨ ਨਿੱਕੇ ਬੱਚੇ ਹਨ | ਪਰਿਵਾਰ ਕੋਲ ਸਾਉਣ ਵਾਸਤੇ ਇੱਕੋ ਮੰਜਾ ਸੀ , ਪਰਿਵਾਰ ਦੇ ਜਿਆਦਾਤਰ ਮੈਂਬਰ ਜਮੀਨ ਤੇ ਸੌਂਦੇ ਸਨ | ਸਹਾਰਾ ਜਨ ਸੇਵਾ ਸੁਸਾਇਟੀ ਦੇ ਪ੍ਰਵਾਸੀ ਵਿੰਗ ਦੇ ਮੈਂਬਰਾਂ ਨੇ ਉਕਤ ਪਰਿਵਾਰ ਦੀ ਮਦਦ ਵਾਸਤੇ ਫੰਡ ਸੁਸਾਇਟੀ ਨੂੰ ਦਿੱਤਾ ਸੀ ਅਤੇ ਸਹਾਰਾ ਟੀਮ ਵੱਲੋਂ ਉਸ  ਫੰਡ ਦੀ ਮਦਦ ਨਾਲ ਇਸ ਪਰਿਵਾਰ ਵਾਸਤੇ ਕਮਰੇ ਦੀ ਛੱਤ ਠੀਕ ਕਰਵਾ ਦਿੱਤੀ ਗਈ ਹੈ , ਟਾਇਲਟ ਅਤੇ ਬਾਥਰੂਮ ਵੀ ਬਨਵਾ ਦਿੱਤਾ ਤੇ ਘਰ ਦੀ ਚਾਰ ਦੀਵਾਰੀ ਵੀ ਮੁਰੰਮਤ ਕਰਵਾ ਦਿੱਤੀ ਗਈ ਹੈ | ਇਸ ਮੌਕੇ ਸੁਸਾਇਟੀ ਦੇ ਪ੍ਰਧਾਨ ਡਾ. ਗੁਰਤੇਜ ਸਿੰਘ ਨੇ ਕਿਹਾ ਕਿ ਇਸ ਪਰਿਵਾਰ ਵਾਸਤੇ ਸੁਸਾਇਟੀ ਵੱਲੋਂ ਦੋ ਮੰਜੇ ਵੀ ਲਿਆ ਕੇ ਦਿੱਤੇ ਜਾਣਗੇ | ਇਸ ਮੌਕੇ ਸਹਾਇਕ ਖਜਾਨਚੀ ਲਖਵਿੰਦਰ ਸਿੰਘ , ਉੱਪ ਪ੍ਰਧਾਨ ਦਲਜੀਤ ਬਰਾੜ ,  ਮਿਸਤਰੀ ਬੂਟਾ ਸਿੰਘ , ਹਾਜਰ ਸਨ | 













ਲਖਵੀਰ ਸਿੰਘ ਬੁੱਟਰ / ਮਾਦਾ ਭਰੂਣ ਹੱਤਿਆ ਤੇ ਨਾਟਕ 'ਕਲਖ ਹਨੇਰੇ ' ( ਪੇਸ਼ਕਸ਼ ਨੂਰ ਆਰਟ ਗਰੁੱਪ ਬਠਿੰਡਾ ) ਦਾ ਅੱਜ ਸ੍ਰੀ ਮੁਕਤਸਰ ਸਾਹਿਬ ਦੇ ਚਾਰ ਪਿੰਡਾਂ ਹਰਾਜ , ਖੋਖਰ ,ਆਸਾ ਬੁੱਟਰ , ਤੇ ਗੁੜੀ ਸੰਘਰ ਵਿੱਚ ਲੜੀਵਾਰ ਆਯੋਜਨ , ਹੁਣ ਤੱਕ ਸਹਾਰਾ ਜਨ ਸੇਵਾ ਸੁਸਾਇਟੀ ਆਸਾ








ਬੁੱਟਰ ਅਠ ਪ੍ਰੋਗ੍ਰਾਮ ਕਰਵਾ ਚੁੱਕੀ ਹੈ ਅਤੇ ਇਹ ਪ੍ਰੋਗ੍ਰਾਮ NYK ਸ਼੍ਰੀ ਮੁਕਤਸਰ ਸਾਹਿਬ ਦੇ ਕੋਆਰਡੀ ਨੇਟਰ ਸ੍ਰ ਜਗਜੀਤ ਸਿੰਘ ਮਾਨ ( Jagjit Mann ) ਵੱਲੋਂ ਉਲੀਕੇ ਗਏ ਸਨ  , ਅਤੇ ਸ੍ਰ।  ਜਗਜੀਤ ਮਾਨ ਇਸ ਮੌਕੇ ਪਿੰਡ ਆਸਾ ਬੁੱਟਰ ਵਿਖੇ ਕਰਵਾਏ ਗਏ ਨਾਟਕ ਮੌਕੇ ਮੁੱਖ ਮਹਿਮਾਨ ਵਜੋਂ ਹਾਜਰ ਹੋਏ ਤੇ ਉਹਨਾਂ ਨੇ ਭਾਸ਼ਣ ਵਿੱਚ ਜਬਰਦਸਤ ਹਲੂਣਾ ਸਕੂਲ ਦੇ ਵਿਦਿਆਰਥੀਆਂ ਤੇ ਸਰੋਤਿਆ ਨੂੰ ਦਿੱਤਾ, ਉਹਨਾਂ ਤੋਂ ਇਲਾਵਾ ਪ੍ਰਿੰਸਿਪਲ ਨਰੋਤਮ ਦਾਸ ਸ਼ਰਮਾਂ ਅਤੇ ਸ੍ਰ ਜਗਰੂਪ ਸਿੰਘ ਖਾਲਸਾ ਨੇ ਵੀ ਸਮਾਰੋਹ ਨੂੰ ਸੰਬੋਧਤ ਕੀਤਾ ਅਤੇ ਮਾਦਾ ਭਰੂਣ ਹੱਤਿਆ ਦੇ ਮਾਰੂ ਪਰਭਾਵਾਂ ਤੋਂ ਸੁਚੇਤ ਕੀਤਾ |  ਸਹਾਰਾ ਆਸਾ ਬੁੱਟਰ ਪ੍ਰਧਾਨ ਲਖਵੀਰ ਸਿੰਘ ਨੇ ਮੰਚ ਦਾ ਸੰਚਾਲਨ ਕੀਤਾ ਅਤੇ ਮੀਤ ਪਰਧਾਨ ਗੁਰਤੇਜ ਸਿੰਘ ਅਤੇ ਕੁਲਦੀਪ ਸਿੰਘ , ਗੁਰਧਿਆਨ ਸਿੰਘ , ਜਸਵਿੰਦਰ ਸਿੰਘ ਅਤੇ ਲਖਵਿੰਦਰ ਸਿੰਘ ਗੋਰਾ , ਦਲਜੀਤ ਬਰਾੜ ਅਤੇ   ਬਾਬਾ ਜੀਵਨ ਸਿੰਘ ਕਲੱਬ ਦੇ ਮੈਂਬਰਾਂ ਨੇ ਬਹੁਤ ਵੱਡਾ ਸਹਿਯੋਗ ਦਿੱਤਾ |
 ਲਖਵੀਰ ਸਿੰਘ / 10 ਜੁਲਾਈ 2014/ ਅੱਜ ਪਿੰਡ ਆਸਾ ਬੁੱਟਰ ਦੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਵਿਖੇ ਚੱਲ ਰਹੇ ਤਿੰਨ ਰੋਜਾ ਨੌਜਵਾਨਾ ਵਿਚ ਅਗਵਾਈ ਅਤੇ ਸਮੁਦਾਇਕ ਵਿਕਾਸ ਕੈੰਪ ਦਾ ਸਮਾਪਤੀ ਸਮਾਰੋਹ ਕੀਤਾ ਗਿਆ | ਇਹ ਕੈੰਪ ਨਹਿਰੂ ਯੁਵਾ ਕੇਂਦਰ ਸ੍ਰੀ ਮੁਕਤਸਰ ਸਾਹਿਬ ਦੇ ਸਹਿਯੋਗ ਨਾਲ ਸਹਾਰਾ ਜਨ ਸੇਵਾ ਸੁਸਾਇਟੀ ਆਸਾ ਬੁੱਟਰ ਵੱਲੋਂ ਲਗਾਇਆ ਗਿਆ ਸੀ | ਇਸ ਕੈੰਪ ਵਿੱਚ ਵੱਖ ਵੱਖ ਪਿੰਡਾ  ਦੇ ਸਮਾਜ ਸੇਵੀ ਤੇ ਸਪੋਰਟਸ ਕਲੱਬਾਂ ਦੇ ਮੈਂਬਰਾਂ ਨੇ ਭਾਗ ਲਿਆ | ਜਿਸ ਵਿਚ ਮੁੱਖ ਤੌਰ ਤੇ ਯੂਥ ਸਪੋਰਟਸ ਐਂਡ ਵੈਲਫੇਅਰ ਕਲੱਬ ਪਿੰਡ ਕਾਉਣੀ , ਸਹਾਰਾ ਕਲੱਬ ਸਰਾਏੰ ਨਾਗਾ , ਮੀਰੀ ਪੀਰੀ ਸਪੋਰਟਸ ਕਲੱਬ ਥਾਂਦੇਵਾਲਾ , ਪੇਂਡੂ ਨੌਜਵਾਨ ਕਲੱਬ , ਰੋਇਲ ਈਗਲ ਯੂਥ ਵੈਲਫੇਅਰ ਕਲੱਬ ਸ੍ਰੀ ਮੁਕਤਸਰ ਸਾਹਿਬ , ਪੇਂਡੂ ਨੌਜਵਾਨ ਸਪੋਰਟਸ ਐਂਡ ਵੈਲਫੇਅਰ  ਕਲੱਬ ਪਿੰਡ ਭੁੱਲਰ  ਨੇ ਭਾਗ ਲਿਆ , ਇਸ ਤਿੰਨ ਰੋਜਾ ਕੈੰਪ ਵਿੱਚ ਨੌਜਵਾਨਾ ਨੂੰ  ਵੱਖ ਵੱਖ ਵਿਭਾਗਾਂ ਦੇ ਮੁਖੀਆਂ , ਅਫਸਰਾਂ ਨਾਲ ਮਿਲਣ ਦਾ ਅਤੇ ਉਹਨਾ ਦੇ ਵਿਭਾਗਾਂ ਦੇ ਪ੍ਰੋਗਰਾਮਾਂ ਬਾਰੇ ਜਾਣਨ ਦਾ ਮੌਕਾ ਮਿਲਿਆ , ਨੌਜਵਾਨਾ ਨੇ ਮਿਲ ਕੇ ਪਿੰਡ ਦੀ ਇੱਕ ਸਾਂਝੀ ਜਗਾ ਪੌਦੇ ਲਗਾਏ ਅਤੇ ਆਪਸ ਵਿਚ ਚਰਚਾ ਦੇ ਨਾਲ ਨਾਲ ਹੋਰ ਸਭਿਆਚਰਕ ਗਤੀਵਿਧੀਆਂ ਵਿੱਚ ਭਾਗ ਲਿਆ ,ਕੱਲ ਮਿਤੀ 9 ਜੁਲਾਈ ਨੂੰ ਸ. ਜਗਰੂਪ ਸਿੰਘ ( ਸਕੱਤਰ ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ) ਨੇ ਵੀ ਨੌਜਵਾਨਾ ਨਾਲ ਕੀਮਤੀ ਵਿਚਾਰ ਸਾਂਝੇ ਕੀਤੇ ਸਨ ਅਤੇ ਗੁਰਮੀਤ ਸਿੰਘ ( ਵਕੀਲ ) ਵੱਲੋਂ ਮੁਫਤ ਕਨੂੰਨੀ ਸੇਵਾਵਾਂ ਬਾਰੇ ਜਾਣਕਾਰੀ ਦਿੱਤੀ ਗਈ ਸੀ , ਅੱਜ ਸਮਾਪਤੀ ਸਮਾਰੋਹ ਦੀ ਸ਼ੁਰੁਆਤ ਵਨ ਵਿਭਾਗ ਦੇ ਅਫਸਰਾਂ ਅਤੇ ਗ੍ਰਾਮ ਪੰਚਾਇਤ ਨੇ ਪੌਦੇ ਲਗਾ ਕੇ ਕੀਤੀ ਇਸ ਪ੍ਰੋਗ੍ਰਾਮ ਦੇ  ਮੁਖ ਮਹਿਮਾਨ ਜਿਲ੍ਹਾ ਖੇਡ ਅਫਸਰ ਸ. ਸੁਖਦੇਵ ਸਿੰਘ ਭੁੱਲਰ ਸਨ ਅਤੇ ਪ੍ਰੋਗ੍ਰਾਮ ਦੀ ਪ੍ਰਧਾਨਗੀ ਸ ਬਿਧੀ ਸਿੰਘ ਯੂ ਕੇ ( ਖੇਡ ਪ੍ਰਮੋਟਰ ) ਨੇ ਕੀਤੀ | ਇਸ ਤੋਂ ਇਲਾਵਾ ਸ ਨਿਹਾਲ ਸਿੰਘ ਬੁੱਟਰ ਨੇ ਵੀ ਆਏ ਹੋਏ ਮੁਖ ਮਹਿਮਾਨਾ  ਤੇ ਨੌਜਵਾਨਾ ਨੂੰ ਸੰਬੋਧਨ ਕੀਤਾ | ਸਹਾਰਾ ਜਨ ਸੇਵਾ ਸੁਸਾਇਟੀ ਵੱਲੋਂ ਖੇਡਾਂ ਵਿੱਚ ਵਧੀਆਂ ਪੁਜੀਸ਼ਨਾ ਹਾਸਲ ਕਰਨ ਵਾਲੀਆਂ  ਖਿਡਾਰਨਾ ਨੂੰ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਵਨ ਵਿਭਾਗ ਵੱਲੋਂ ਸ. ਅਮ੍ਰਿਤਪਾਲ ਸਿੰਘ ਰੇੰਜ ਅਫਸਰ ਨੇ ਵੀ ਮਹਿਕਮੇ ਦੇ ਪ੍ਰੋਗ੍ਰਾਮ ਦੀ ਜਾਣਕਾਰੀ ਦਿੱਤੀ ਅਤੇ ਕਲੱਬਾਂ ਨੂੰ ਬੂਟੇ ਦੇਣ ਦਾ ਵਾਅਦਾ ਕੀਤਾ | ਇਸ ਕੈੰਪ ਵਿੱਚ ਖੂਨਦਾਨ ਕਰਨ ਵਾਲੇ ਖੂਨ ਦਾਨੀਆਂ ਨੂੰ ਸਰਟੀਫਿਕੇਟ ਦੇ ਕੇ ਸਨਮਾਨਤ ਕੀਤਾ ਗਿਆ | ਇਸ ਕੈੰਪ ਵਿੱਚੋਂ ਸਭ ਤੋਂ ਵਧੀਆਂ ਕੈੰਪਰ ਤਿੰਨ ਨੌਜਵਾਨ ਚੁਨੇ ਗਏ , ਪਹਿਲੇ ਸਥਾਨ ਤੇ ਸੁਖਜਿੰਦਰ ਸਿੰਘ ਕਾਉਣੀ ਦੂਜੇ ਤੇ ਅਮਨਦੀਪ ਬਰਾੜ ਆਸਾ ਬੁੱਟਰ ਅਤੇ ਗੁਰਭੇਜ ਸਿੰਘ ਆਸਾ ਬੁੱਟਰ ਤੀਜੇ ਸਥਾਨ ਤੇ ਚੁਨੇ ਗਏ ਜਿੰਨਾ ਨੂੰ ਵਿਸ਼ੇਸ਼ ਸਨਮਾਨ ਦਿੱਤੇ ਗਏ| ਮੰਚ ਦਾ ਸੰਚਾਲਨ ਸੁਖਜਿੰਦਰ ਸਿੰਘ ਕਾਉਣੀ ਅਤੇ ਲਖਵੀਰ ਸਿੰਘ ਬੁੱਟਰ ਨੇ ਕੀਤਾ  | ਇਸ ਕੈੰਪ ਵਿੱਚ ਆਉਣ ਵਾਲੇ ਪਿੰਡ ਦੇ ਮੋਹਤਬਰ ਵਿਅਕਤੀਆਂ ਤੇ ਸਕੂਲ ਦੇ ਪ੍ਰਿੰਸੀਪਲ ਤੇ ਸਟਾਫ਼ ਨੇ ਸਹਾਰਾ ਜਨ ਸੇਵਾ ਸੁਸਾਇਟੀ ਦੇ ਇਸ ਉਪਰਾਲੇ ਦੀ ਭਰਪੂਰ ਸ਼ਲਾਘਾ ਕੀਤੀ |ਇਸ ਮੌਕੇ ਨਰੋਤਮ ਦਾਸ  ਪ੍ਰਿੰਸਿਪਲ , ਯਸ਼ਵੰਤ ਕੁਮਾਰ , ਸਰਪੰਚ ਸ।  ਇਕਬਾਲ ਸਿੰਘ ਸਰਪੰਚ  , ਸ. ਜਸਮੇਲ ਸਿੰਘ।,  ਤਰਨਜੀਤ ਸਿੰਘ ਬੁੱਟਰ , ਦਲਜੀਤ ਬਰਾੜ , ਗੁਰਤੇਜ ਸਿੰਘ , ਗੁਰਜੰਟ ਸਿੰਘ ਪੰਚ , ਗੁਰਲਾਲ ਬਰਾੜ , ਸੁਖਮੰਦਰ ਸਿੰਘ , ਜਗਰੂਪ ਸਿੰਘ ਬਰਾੜ ਆਦਿ ਹਾਜਰ ਸਨ | 




ਕੈੰਪ ਨਾਲ ਸਬੰਧਤ ਹੋਰ ਖਬਰਾਂ ਤੇ ਤਸਵੀਰਾਂ :::---->>>




ਪੰਜਾਬ ਸਰਕਾਰ ਵੱਲੋਂ ਪੰਜਾਬ ਨੂੰ ਹਰਿਆ ਭਰਿਆ ਬਣਾਉਣ ਵਾਸਤੇ ਚਲਾਈ ਮੁਹਿੰਮ ਤਹਿਤ ਸਹਾਰਾ ਜਨ ਸੇਵਾ ਸੁਸਾਇਟੀ ਅਤੇ ਪਿੰਡ ਵਾਸੀਆਂ ਵੱਲੋਂ ਪਿੰਡ ਆਸਾ ਬੁੱਟਰ ਦੀ ਸਰਕਾਰੀ ਹੈਲਥ ਸਬ ਸੈਂਟਰ ਵਿੱਚ ਪੌਦੇ ਲਗਾਏ ਗਏ |ਇਸ ਲਖਵੀਰ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਅੱਜ ਇਸ ਮੁਹਿੰਮ ਦੀ ਸ਼ੁਰੁਆਤ ਕੀਤੀ ਗਈ ਹੈ | ਬਾਕੀ ਪੌਦੇ ਪੜਾ ਵਾਰ ਲਗਾਏ ਜਾਣਗੇ | ਪਿੰਡ ਦੇ ਚਾਰੇ ਪਾਸੇ ਅਤੇ ਖਾਲੀ ਪਾਈਆਂ ਥਾਂਵਾਂ ਉੱਤੇ ਕਰੀਬ ਦੋ ਹਜਾਰ  ਪੌਦੇ ਲਗਾਏ ਜਾਣਗੇ |  ਉਹਨਾ ਇਸ ਮੌਕੇ ਵਨ ਵਿਭਾਗ ਦੇ ਬਲਾਕ ਅਫਸਰ ਚਮਕੌਰ ਸਿੰਘ ਦਾ ਵੀ ਧੰਨਵਾਦ  ਕੀਤਾ  ਅਤੇ ਕਿਹਾ ਇਕ ਵਨ ਵਿਭਾਗ ਦੇ ਸਾਰੇ ਅਧਿਕਾਰੀ ਪਿੰਡ ਵਾਸੀਆਂ ਨੂੰ ਬਹੁਤ ਸਹਿਯੋਗ ਦੇ ਰਹੇ ਹਨ | ਇਸ ਸਮੇਂ ਸਹਾਰਾ ਜਨ ਸੇਵਾ ਸੁਸਾਇਟੀ ਦੇ ਪਰਧਾਨ ਲਖਵੀਰ ਸਿੰਘ ਚੇਅਰਮੈਨ ਤਰਨਜੀਤ ਸਿੰਘ ਉਪ ਪਰਧਾਨ ਗੁਰਤੇਜ ਸਿੰਘ , ਮਨਜੀਤ ਸਿੰਘ ਗੁਰਮੀਤ ਸਿੰਘ ਡਾ.  ਲਖਵਿੰਦਰ ਸਿੰਘ , ਨਰਿੰਜਨ ਸਿੰਘ ਪੰਚ ,ਟੇਕ ਸਿੰਘ , ਤਰਲੋਕ ਸਿੰਘ ਅਤੇ ਹੋਰ ਪਿੰਡ ਵਾਸੀ ਮਜੂਦ ਸਨ |


ਸਹਾਰਾ ਜਨ ਸੇਵਾ ਸੁਸਾਇਟੀ ਆਸਾ ਬੁੱਟਰ ਤੇ ਭਾਰਤੀ ਕਿਸਾਨ ਯੂਨੀਅਨ ਅਤੇ ਸਮੂਹ ਪਿੰਡ ਵਾਸੀਆਂ ਦੀਆਂ ਕੋਸ਼ਿਸ਼ਾਂ ਆਖਰਕਾਰ ਰੰਗ ਲਿਆਈਆਂ | ਤੇ ਇਕ ਮਹੀਨੇ ਤੋਂ ਚੌਵੀ ਘੰਟੇ ਬਿਜਲੀ ਸਪਲਾਈ ਦੀ ਲਾਈਨ ਦਾ ਕੰਮ ਜਾਰੀ ਸੀ ਜਿਸਦਾ ਕੱਲ ਜੇ ਈ ਤੇ ਭਾਰਤੀ ਕਿਸਾਨ ਯੂਨੀਅਨ ਤੇ ਸਹਾਰਾ ਦੇ ਮੈਂਬਰਾਂ ਦੀ ਮੌਜੂਦਗੀ ਵਿਚ ਉਦਘਾਟਨ ਕੀਤਾ ਗਿਆ | ਤੇ ਚੌਵੀ ਘੰਟੇ ਬਿਜਲੀ ਦੀ ਸਪਲਾਈ ਪਿੰਡ ਵਿੱਚ ਚਾਲੂ ਕਰ ਦਿੱਤੀ ਗਈ | ਜਿਸ ਨਾਲ ਪੂਰੇ ਪਿੰਡ ਵਿਚ ਹੀ ਖੁਸ਼ੀ ਦੀ ਲਹਿਰ ਦੌੜ ਗਈ ਤੇ ਲੋਕਾਂ ਨੇ ਸਹਾਰਾ ਤੇ ਕਿਸਾਨ ਯੂਨੀਅਨ ਦੇ ਮੈਂਬਰਾਂ ਦਾ ਧਨਵਾਦ ਕੀਤਾ | ਇਸ ਮੌਕੇ ਕਿਸਾਨ ਯੂਨੀਅਨ ਦੇ ਇਕਾਈ ਪ੍ਰਧਾਨ ਗੁਰਲਾਲ ਸਿੰਘ ਨੇ ਬਿਜਲੀ ਬੋਰਡ ਦੇ ਸੀਨੀਅਰ ਕਾਰਜਕਾਰੀ ਇੰਜੀਨੀਅਰ ਸਤਿੰਦਰ ਸਿੰਘ ਸੋਢੀ, ਜੇ ਈ ਬਲਜੀਤ ਸਿੰਘ ਤੇ ਹੋਰ ਅਧਿਕਾਰੀਆਂ ਦਾ ਧਨਵਾਦ ਕੀਤਾ ਅਤੇ ਇਸ ਮੌਕੇ ਜੇ ਈ ਬਲਜੀਤ ਸਿੰਘ ਨੇ ਪਿੰਡ ਵਾਸੀਆਂ ਵੱਲੋਂ ਮਿਲੇ ਸਹਿਯੋਗ ਦੀ ਸ਼ਲਾਗਾ ਕੀਤੀ | ਇਸ ਮੌਕੇ ਗੁਰਲਾਲ ਸਿੰਘ ਬਰਾੜ , ਜੀਤਾ ਸਿੰਘ ਮੀਤ ਪ੍ਰਧਾਨ ,ਤੇਜਾ ਸਿੰਘ , ਰਣਜੀਤ ਸਿੰਘ , ਸੁਖਪਾਲ ਸਿੰਘ , ਸ਼ਿੰਦਾ ਸਿੰਘ ,ਰਾਮ ਸਿੰਘ ,ਜਗਜੀਤ ਸਿੰਘ 
,ਰੂਪ ਸਿੰਘ ,ਬਣੀ ਸਿੰਘ ,ਸੀਰਾ ਸਿੰਘ ਭੁੱਟੀਵਾਲਾ ਤੇ ਬੰਟੂ ਹਾਜਰ ਸਨ |
ਚਾਰ ਦਿਨ ਪੁੱਛਗਿਛ ਕਰਨ ਤੋਂ ਬਾਅਦ ਮਿਲੀ ਸਫਲਤਾ 
ਤਸਵੀਰ ਵਿੱਚ ਨਜਰ ਆਉਂਦੇ ਹੋਏ ਸਹਾਰਾ ਟੀਮ ਦੇ ਅਮਨਦੀਪ ਸਿੰਘ ਤੇ ਗੁਰਤੇਜ ਸਿੰਘ
ਨਾਲ ਹਾਸ਼ੀਏ ਵਿੱਚ ਗੁੰਮ ਹੋਏ ਮਹਿੰਦਰ ਸਿੰਘ ਤੇ ਉਸਦੇ ਪਰਿਵਾਰ ਦੇ ਮੈਂਬਰ 
ਲਖਵੀਰ ਸਿੰਘ ਬੁੱਟਰ /16 ਜੂਨ / ਅੱਜ ਤੋਂ ਚਾਰ ਦਿਨ ਪਹਿਲਾਂ ਸਹਾਰਾ ਟੀਮ ਨੂੰ ਪਿੰਡ ਆਸਾ ਬੁੱਟਰ ਵਿਚ ਇੱਕ ਮੰਦ੍ਬੁਧੀ ਬਜੁਰਗ ਮਿਲਿਆ । ਜਿਸ ਤੋਂ ਕਾਫੀ ਪੁਸ਼ਗਿਛ ਕੀਤੀ ਗਈ ਪਰ ਜਿਆਦਾ ਜਾਣਕਾਰੀ ਪ੍ਰਾਪਤ ਨਹੀ ਹੋ ਸਕੀ । ਉਸਨੂੰ ਸਹਾਰਾ ਜਨ ਸੇਵਾ ਦੇ ਹੀ ਮੈਂਬਰ ਜਸਵਿੰਦਰ ਆਸਾ ਬੁੱਟਰ ਦੇ ਘਰ ਰੱਖਿਆ ਗਿਆ । ਇਹ ਬਜੁਰਗ ਜਸਵਿੰਦਰ ਸਿੰਘ ਨੂੰ ਹੀ ਪਹਿਲੀ ਵਾਰ ਮਿਲਿਆ ਸੀ । ਫੇਰ ਸਹਾਰਾ ਟੀਮ ਵੱਲੋਂ ਅਗਲੇ ਦੋ ਤਿੰਨ ਦਿਨ ਉਸ ਬਜੁਰਗ ਕੋਲੋਂ ਪੁਸ਼ਗਿਛ ਜਾਰੀ ਰੱਖੀ ਗਈ | ਤੇ ਹੌਲੀ ਹੌਲੀ ਸਹਾਰਾ ਟੀਮ ਦੇ ਮੈਂਬਰ ਲਖਵੀਰ ਸਿੰਘ ,ਤਰਨਜੀਤ ਸਿੰਘ ,ਗੁਰਤੇਜ ਸਿੰਘ ਅਮਨਦੀਪ ਸਿੰਘ ਉਸ ਬਜੁਰਗ ਕੋਲੋ ਉਸ ਦਾ ਪਿੰਡ ਪਤਾ ਕਰਨ ਵਿੱਚ ਕਾਮਯਾਬ ਹੋ ਗਏ , ਉਸ ਬਜੁਰਗ ਅਨੁਸਾਰ ਉਸਦਾ ਪਿੰਡ ਪੀਰੂਵਾਲਾ ਨੇੜੇ ਖਾਈ ਫੇਮੇ ਕੀ ( ਜਿਲਾ ਫਿਰੋਜਪੁਰ ) ਦੱਸਿਆ ਗਿਆ | ਜਿਸਨੂੰ ਇੰਟਰਨੈਟ ਤੇ ਗੂਗਲ ਮੈਪ ਵਿੱਚ ਸਰਚ  ਕਰਕੇ ਪਤਾ ਲਗਾਇਆ ਗਿਆ ਕਿ ਇਹ ਪਿੰਡ ਵਾਕਿਆ ਹੀ ਹੈ ਜਾਂ ਨਹੀਂ | ਮੈਪ ਵਿੱਚ ਇਸ ਪਿੰਡ ਦੀ ਲੋਕੇਸ਼ਨ ਪਤਾ ਕੀਤੀ ਗਈ ਤੇ ਪੀਰੂਵਾਲਾ ਪਿੰਡ ਦੇ ਫੋਨ ਨੰਬਰ ਤਲਾਸ਼ਨੇ ਸ਼ੁਰੂ ਕੀਤੇ | ਆਖਰ ਉਸ ਪਿੰਡ ਦੇ ਇੱਕ ਬੰਦੇ ਦਾ ਮੋਬਾਇਲ ਨੰਬਰ ਪਤਾ ਚੱਲਿਆ ਤੇ ਉਕਤ ਬਜੁਰਗ ਬਾਰੇ ਜਾਣਕਾਰੀ ਹਾਸਲ ਕੀਤੀ ਗਈ | ਸਾਰੀ ਛਾਣਬੀਣ ਤੋਂ ਬਾਅਦ ਸਹਾਰਾ ਟੀਮ ਦੇ ਮੈਂਬਰ ਲਖਵੀਰ ਸਿੰਘ ,ਗੁਰਤੇਜ ਸਿੰਘ ਤੇ ਅਮਨਦੀਪ ਬਰਾੜ ਉਕਤ ਬਜੁਰਗ ਨੂੰ ਉਸਦੇ ਪਿੰਡ ਉਸਦੇ ਘਰ ਪਹੁੰਚਾਉਣ ਵਿੱਚ ਸਫਲ ਹੋ ਗਏ | ਬਜੁਰਗ ਦਾ ਨਾਮ ਮਹਿੰਦਰ ਸਿੰਘ ਸੀ |ਘਰ ਵਾਲਿਆਂ ਨੇ ਦੱਸਿਆ ਕੇ ਉਹਨਾ ਨੇ ਬਜੁਰਗ ਦੇ ਗੁੰਮ ਹੋਣ ਬਾਰੇ ਕਈ ਪਿੰਡਾ ਵਿੱਚ ਹੋਕੇ ਵੀ ਦਵਾਏ ਸਨ | ਜਦੋਂ ਸਹਾਰਾ ਟੀਮ ਉਕਤ ਬਜੁਰਗ ਨੂੰ ਉਸਦੇ ਘਰ ਲੈ ਕੇ ਪੁੱਜੀ ਤਾਂ ਘਰ ਵਾਲਿਆਂ ਦੇ ਚੇਹਰੇ ਤੇ ਖੁਸ਼ੀ ਦੀ ਲਹਿਰ ਦੌੜ ਗਈ ਤੇ ਛੋਟੇ ਬਚੇ ਭੱਜ ਭੱਜ ਕੇ ਬਜੁਰਗ ਨੂੰ ਮਿਲੇ ਤੇ ਘਰ ਵਾਲਿਆਂ ਤੇ ਪਿੰਡ ਦੇ ਬੰਦਿਆ ਨੇ ਸਹਾਰਾ ਟੀਮ ਦਾ ਬਹੁਤ ਹੀ ਧੰਨਵਾਦ ਕੀਤਾ | 


 ਫੋਟੋ ਵੱਡੇ ਅਕਾਰ ਵਿੱਚ ਵੇਖਣ ਵਾਸਤੇ ਫੋਟੋ ਉੱਪਰ ਕਲਿੱਕ ਕਰੋ 




ਲਖਵੀਰ  ਸਿੰਘ /22ਮਈ /ਪਿੰਡ ਆਸਾ ਬੁੱਟਰ ਦਾ ਪਿਸ਼੍ਲੇ 18 ਸਾਲਾਂ ਤੋਂ ਲਟਕਦਾ ਆ ਰਿਹਾ ਬਿਜਲੀ ਸਪਲਾਈ 24 ਘੰਟੇ ਵਾਲੀ ਲਾਈਨ  ਮੁੱਦਾ ਆਖਰ ਕਾਰ  ਹੱਲ ਹੋਣ ਜਾ ਰਿਹਾ ਹੈ | ਸਹਾਰਾ ਜਨ ਸੇਵਾ ਸੁਸਾਇਟੀ ਤੇ ਭਾਰਤੀ ਕਿਸਾਨ ਯੂਨੀਅਨ ਇਕਾਈ ਆਸਾ ਬੁੱਟਰ  ਵਲੋਂ  ਇਸ  ਮਸਲੇ ਨੂੰ ਪੂਰੇ ਜੋਰ  ਨਾਲ ਉਠਾਇਆ ਗਿਆ  | ਐਸ  ਡੀ ਓ ਨੂੰ ਮੰਗ ਪੱਤਰ ਦੇ ਕੇ ਪੰਦਰਾ ਮਈ  ਤੱਕ  ਕੰਮ ਸ਼ੁਰੂ ਕਰਨ ਦਾ ਅਲਟੀਮੇਟਮ ਦਿੱਤਾ ਗਿਆ ਸੀ | ਪਰ ਵਿਭਾਗ ਦੇ ਵਲੋਂ ਕੋਈ ਕਾਰਵਾਈ ਨਹੀ ਕੀਤੇ ਜਾਣ  ਤੇ ਸਹਾਰਾ ਜਨ ਸੇਵਾ ਸੁਸਾਇਟੀ ਤੇ ਕਿਸਾਨ ਯੂਨੀਅਨ  ਆਸਾ ਬੁੱਟਰ ਵਲੋਂ ਸਾਰੇ ਪਿੰਡ ਵਾਸੀਆਂ ਨੂੰ ਬਿਜਲੀ ਬੋਰਡ ਦੇ ਦਫਤਰ ਸਰਾਂ ਏ ਨਾਗਾ ਵਿਖੇ ਧਰਨਾ ਦੇਣ ਦੀ ਅਪੀਲ ਕੀਤੀ ਗਈ | ਲੋਕਾਂ ਵਲੋਂ ਦਫਤਰ ਅੱਗੇ ਧਰਨਾ ਦਿੱਤਾ ਗਿਆ | ਤੇ ਦਫਤਰ ਦਾ ਕੰਮਕਾਰ  ਠਪ ਕਰ ਦਿੱਤਾ ਗਿਆ , ਇਸ ਧਰਨੇ ਨੂੰ ਉਠਾਉਣ ਵਾਸਤੇ ਐਕਸੀਅਨ ਮੁਕਤਸਰ ਨੇ ਵਿਸ਼ਾਵ੍ਸ਼ ਦਿਵਾਇਆ ਕਿ ਦਸ ਦਿਨਾ ਅੰਦਰ ਹਰ ਹਾਲ ਬਿਜਲੀ ਲਾਈਨ  ਦਾ ਕੰਮ ਸ਼ੁਰੂ ਕਰ ਦਿੱਤਾ ਜਾਵੇਗਾ | ਅਮਰਿੰਦਰ  ਸਿੰਘ ਰਾਜਾ ਵੜਿੰਗ ਵੀ ਇਸ ਧਰਨੇ ਦੀ ਹਮਾਇਤ ਕਰਨ ਵਾਸਤੇ ਧਰਨੇ ਵਿੱਚ ਆਏ ਸਨ | ਅਗਲੇ ਦਿਨ ਤੋਂ ਹੀ ਸੁਸਾਇਟੀ ਤੇ ਕਿਸਾਨ ਯੂਨੀਅਨ ਦੇ ਮੈਂਬਰਾਂ ਨਾਲ ਐਕਸੀਅਨ ਮੁਕਤਸਰ ਵੱਲੋਂ ਲਗਾਤਾਰ ਸੰਪਰਕ ਬਣਿਆ ਹੋਇਆ ਸੀ | ਕੁਝ ਰਾਜਨੀਤਕ ਲੋਕ ਅਜੇ ਵੀ ਇਸ ਵਿੱਚ ਅੜਿੱਕਾ ਬਣੇ ਹੋਏ ਸਨ | ਪਰ ਵਿਭਾਗ ਨੇ ਇਸ ਵਾਰ ਬਿਨਾ ਕੋਈ ਦਬਾਅ ਦੇ ਕੰਮ ਜਾਰੀ ਰਖਿਆ ਤੇ ਬਿਜਲੀ ਦਾ ਸਮਾਨ ਦੋ ਤਿੰਨ ਦਿਨਾਂ ਅੰਦਰ ਹੀ ਪਿੰਡ ਆਉ਼ਨਾ ਸ਼ੁਰੂ ਹੋ ਗਿਆ ਸੀ | ਅਜੱ ਵਿਭਾਗ ਵੱਲੋਂ ਆਪਣੇ ਮੁਲਾਜਮ ਤੇ ਕਰਿੰਦੇ ਪਿੰਡ ਭੇਜੇ ਗਏ ਤੇ ਪਿੰਡ ਵਾਸੀਆਂ ਨੇ ਉਹਨਾ ਦਾ ਬਹੁਤ ਸਾਥ ਦਿੱਤਾ ਤੇ ਬਿਜਲੀ ਦੀ 24 ਘੰਟੇ ਲਾਈਨ ਦਾ ਕੰਮ ਸ਼ੁਰੂ ਹੋ ਗਿਆ | ਉਮੀਦ ਹੈ ਕਿ ਆਉਣ ਵਾਲੇ ਇੱਕ ਦੋ ਦਿਨਾ ਵਿੱਚ ਇਹ ਸੇਵਾ ਪਿੰਡ ਵਾਸੀਆਂ ਨੂੰ ਮਿਲਣੀ ਸ਼ੁਰੂ ਹੋ ਜਾਵੇਗੀ | ਅੱਜ ਇਸ ਮੌਕੇ ਲਖਵੀਰ ਸਿੰਘ ,ਗੁਰਤੇਜ ਸਿੰਘ , ਕੁਲਦੀਪ ਸਿੰਘ , ਗੁਰਲਾਲ ਬਰਾੜ , ਜੀਤਾ ਸਿੰਘ , ਸੁਖਚੈਨ ਸਿੰਘ , ਕ੍ਰਿਕਟ ਕਲੱਬ ਵੱਲੋਂ ਲਖਵਿੰਦਰ ਸਿੰਘ ਲੱਖਾ , ਜੀਤਾ ਬਰਾੜ , ਹਨੀ ਸਿੰਘ , ਮਨਜੀਤ ਸਿੰਘ ਤੇ ਸ਼ਿੰਦਾ ਸਿੰਘ ਮਹੰਤ , ਪ੍ਰਗਟ ਸਿੰਘ , ਪਾਲ ਸਿੰਘ , ਰਾਜਾ ਸਿੰਘ , ਜੂਪਾ ਸਿੰਘ , ਰਾਮ ਸਿੰਘ ਆਦਿ ਪਿੰਡ ਵਾਸੀ ਹਾਜਰ ਸਨ | 
ਲਖਵੀਰ ਸਿੰਘ ਬੁੱਟਰ /ਮੁਕਤਸਰ / ਅੱਜ ਸਹਾਰਾ ਜਨ ਸੇਵਾ ਸੁਸਾਇਟੀ ਵੱਲੋਂ ਪੰਜ ਯੂਨਿਟ ਖੂਨ ਦੋ ਵੱਖ ਵੱਖ ਲੋੜਵੰਦਾ ਨੂੰ ਦਾਨ ਕੀਤਾ ਗਿਆ | ਕਿਉਂਕਿ ਸ਼੍ਰੀ ਮੁਕਤਸਰ ਸਾਹਿਬ ਦੇ ਸਰਕਾਰੀ ਹਸਪਤਾਲ ਦੇ ਬਲੱਡ ਬੈਂਕ ਵਿੱਚ ਖੂਨ ਦੀ ਬਹੁਤ ਘਾਟ ਹੈ | ਜਾਂ ਫਿਰ ਇੰਜ ਕਹਿ ਲਿਆ ਜਾਵੇ ਕੇ ਖੂਨ ਬਿਲਕੁਲ ਹੀ ਨਹੀਂ ਹੈ ਤਾਂ ਵੀ ਕੋਈ ਅਤਕਥਨੀ ਨਹੀਂ ਹੋਵੇਗੀ | ਅੱਜ ਸਹਾਰਾ ਜਨ ਸੇਵਾ ਸੁਸਾਇਟੀ ਨੂੰ ਦੋ ਵੱਖ ਵੱਖ ਅਪ੍ਰੇਸ਼ਨ ਦੇ ਕੇਸਾਂ ਵਾਸਤੇ(ਔਰਤ ਦਾ ਗੁਰਦੇ ਦਾ ਅਪ੍ਰੇਸ਼ਨ)  ਪਿੰਡ ਸੂਰੇਵਾਲਾ ਅਤੇ (ਬੰਦੇ ਦਾ ਗੁਰਦੇ ਦਾ ਅਪ੍ਰੇਸ਼ਨ ) ਪਿੰਡ ਭੁਲਰ ,  ਲਈ ਕਾਲ ਆਈ ਕਿ O+tive ਬਲੱਡ ਗਰੁੱਪ ਦੀ ਬਹੁਤ ਜਲਦ ਜਰੂਰਤ ਹੈ ਤਾਂ , ਸਹਾਰਾ ਜਨ ਸੇਵਾ ਸੁਸਾਇਟੀ ਵੱਲੋਂ ਤੁਰੰਤ ਪੰਜ ਯੂਨਿਟ ਖੂਨਦਾਨ ਦਿੱਤਾ ਗਿਆ | ਖੂਨਦਾਨ ਕਰਨ ਵਾਲਿਆ ਵਿੱਚ ਲਖਵੀਰ ਸਿੰਘ ਬੁੱਟਰ , ਦਲਜੀਤ ਬਰਾੜ , ਗੁਰਨਾਮ ਸਿੰਘ , ਰਣਜੀਤ ਸਿੰਘ ਅਤੇ ਗੁਰਮੀਤ ਸਿੰਘ  ਸ਼ਾਮਲ ਸਨ | ਮਰੀਜ ਦੇ ਪਰਿਵਾਰਾਂ ਨੇ ਸਹਾਰਾ ਟੀਮ ਦਾ ਤਹਿ ਦਿਲ ਤੋਂ ਧੰਨਵਾਦ ਕੀਤਾ | ਉਧਰ ਬਲੱਡ ਬੈਂਕ ਦੇ ਇੰਚਾਰਜ ਵੱਲੋਂ ਸਹਾਰਾ ਟੀਮ ਖੂਨਦਾਨ ਕੈੰਪ ਲਗਾ ਕੇ ਬਲੱਡ ਬੈਂਕ ਵਾਸਤੇ ਖੂਨ ਜੁਟਾਉਣ ਦੀ ਅਪੀਲ ਵੀ ਕੀਤੀ ਗਈ | ਆਉਣ ਵਾਲੇ ਕੁਝ ਦਿਨਾ ਤੱਕ ਆਸ ਪਾਸ ਦੇ ਪਿੰਡਾ ਵਿਚ ਸਹਾਰਾ ਜਨ ਸੇਵਾ ਸੁਸਾਇਟੀ ਵੱਲੋਂ ਖੂਨਦਾਨ ਕੈੰਪ ਲਗਾ ਕੇ ਵੱਧ ਤੋਂ ਵੱਧ ਲੋਕਾਂ ਨੂੰ ਖੂਨ ਦਾਨ ਕਰਨ ਬਾਰੇ ਪ੍ਰੇਰਿਤ ਕੀਤਾ ਜਾਵੇਗਾ |
10 ਮਈ /ਆਸਾ ਬੁੱਟਰ ਵਾਸੀ ਧੀਰਾ ਸਿੰਘ ਪੁੱਤਰ ਮੇਜਰ ਸਿੰਘ ਜੋ ਕੇ ਪਿਸ਼੍ਲੇ ਕਈ ਮਹੀਨਿਆ ਤੋਂ ਆਪਣੇ ਸਹੁਰੇ ਪਿੰਡ ਰਹਿ ਰਿਹਾ ਸੀ | ਢਾਈ ਮਹੀਨੇ ਪਹਿਲਾਂ ਉਥੇ ਹੀ ਮਜਦੂਰੀ ਕਰਦੇ ਸਮੇਂ  ਕੰਧ  ਤੋਂ ਡਿੱਗ ਪੈਣ ਕਰਕੇ ਕਾਫੀ ਸੱਟਾਂ ਲੱਗ ਗਾਈਆਂ | ਕਾਫੀ ਖਰਚਾ ਆਉਂਦਾ ਵੇਖ ਸਹੁਰਾ ਪਰਿਵਾਰ ਵੀ ਬੇਬਸ ਹੋ ਗਿਆ | ਉਸਦਾ ਇਲਾਜ ਵੀ ਸਹੀ ਤਰਾਂ ਨਹੀ ਹੋ ਰਿਹਾ ਸੀ ਤੇ ਦਿਨ ਬ ਦਿਨ ਉਸਦੀ ਹਾਲਤ ਹੋਰ ਖਰਾਬ ਹੁੰਦੀ ਗਈ | ਆਖਰ 29ਅਪ੍ਰੈਲ ਨੂੰ ਉਸਨੂੰ ਉਸਦੇ ਸਹੁਰੇ ਪਰਿਵਾਰ ਵਾਲੇ ਆਸਾ ਬੁੱਟਰ ਛੱਡ ਗਏ | ਜਦੋਂ ਧੀਰਾ ਸਿੰਘ ਡੀ ਹਾਲਤ ਦਾ ਪਤਾ ਸਹਾਰਾ ਟੀਮ ਨੂੰ ਲੱਗਾ ਤਾਂ ਉਹਨਾ ਨੇ ਉਸਦੀ ਡਾਕਟਰ ਤੋਂ ਜਾਂਚ ਕਾਰਵਾਈ ਗਈ | ਡਾਕਟਰ ਨੇ ਕਾਫੀ ਨਾਜੁਕ ਹਾਲਤ ਬਾਰੇ ਦੱਸਿਆ |ਧੀਰਾ ਸਿੰਘ ਦੀ ਪਿਠ ਤੇ ਕਾਫੀ ਵੱਡਾ ਜਖਮ ਬਣ ਚੁੱਕਾ ਹੈ | ਤੇ ਬਾਹਵਾਂ ਉੱਪਰ ਵੀ ਕਾਫੀ ਡੂੰਗੇ ਜਖਮ ਹਨ | ਬਿਨਾ ਦੇਰੀ ਉਸਦੀ ਮਲਮ ਪੱਟੀ ਰੋਜਾਨਾ ਸ਼ੁਰੂ ਕੀਤੀ ਗਈ | ਉਸਨੂੰ ਡਾਇਟ ਵੀ ਦਿੱਤੀ ਗਈ | ਹੌਲੀ ਹੌਲੀ ਉਸਦੇ ਜਖਮ ਭਰਨੇ ਸ਼ੁਰੂ ਹੋ ਗਏ ਹਾਂ ਤੇ ਲੱਤਾ ਬਾਹਵਾ ਵੀ ਹੌਲੀ ਹੌਲੀ ਕੰਮ ਕਰਨਾ ਸ਼ੁਰੂ ਕਰ ਰਹੀਆਂ ਨੇ |ਧੀਰਾ ਸਿੰਘ ਤਿੰਨ ਬਚਿਆਂ ਦਾ ਪਿਓ ਹੈ ਤੇ ਉਸਦੀ ਉਮਰ 34-35 ਸਾਲ ਹੈ |  ਘਰ ਦੀ ਹਾਲਤ ਵੀ ਬਹੁਤ ਪਤਲੀ ਹੋ ਚੁੱਕੀ ਹੈ | ਉਸਦਾ ਪਰਿਵਾਰ ਬਹੁਤ ਗਰੀਬੀ ਤੇ ਬੇਵਸੀ ਵਿੱਚ ਆਪਣੀ ਜਿੰਦਗੀ ਕੱਟ ਰਿਹਾ ਹੈ | ਅਸੀਂ ਪਾਠਕਾਂ ਨੂੰ ਵੀ ਅਪੀਲ ਕਰਦੇ ਹਾਂ ਕੇ ਉਹ ਜੇਕਰ ਧੀਰਾ ਸਿੰਘ ਦੀ  ਮਦਦ ਕਰਨੀ ਚਾਹੁਣ ਤਾਂ ਸਹਾਰਾ ਟੀਮ ਨਾਲ ਸੰਪਰਕ ਕਰ ਸਕਦੇ ਹਨ |
ਮਦਦ ਕਰਨ ਲਈ ਸੰਪਰਕ ਕਰੋ 9464030208,9855244522

ਲਖਵੀਰ ਸਿੰਘ ਬੁੱਟਰ / ਸਹਾਰਾ ਜਨ ਸੇਵਾ ਸੁਸਾਇਟੀ ਵੱਲੋਂ ਪਿੰਡ ਆਸਾ ਬੁੱਟਰ ਵਿਚ ਅਵਾਰਾ ਪਸ਼ੂਆਂ ਨੂੰ ਵੱਖ ਵੱਖ ਬਿਮਾਰੀਆਂ ਦੀ ਰੋਕਥਾਮ ਵਾਸਤੇ ਟੀਕੇ ਲਗਾਏ ਗਏ | ਇਹਨਾ ਅਵਾਰਾ ਪਸ਼ੂਆਂ ਤੋਂ ਲੋਕਾਂ ਦੇ ਪਾਲਤੂ ਪਸ਼ੂਆਂ ਨੂੰ ਬਿਮਾਰੀਆਂ ਲਗ ਜਾਂਦੀਆਂ ਹਨ | ਜਿਸ ਕਰਕੇ ਸਹਾਰਾ ਵੱਲੋਂ ਇਹਨਾ ਪਸ਼ੂਆਂ ਦੇ ਟੀਕੇ ਲਗਵਾਏ ਗਏ | ਇਥੇ ਇਹ ਵੀ ਜਿਕਰ ਯੋਗ ਹੈ ਕਿ ਪਿਸ਼੍ਲੇ ਸਾਲ ਵੀ ਆਸਾ ਬੁੱਟਰ ਵਿਚ ਬਹੁਤ ਸਾਰੇ ਅਵਾਰਾ ਪਸ਼ੁ ਹਲਕਾ ਦੀ ਬਿਮਾਰੀ ਦਾ ਸ਼ਿਕਾਰ ਹੋਏ ਸਨ | ਜਿਸ ਨਾਲ ਲੋਕਾਂ ਦੇ ਪਾਲਤੂ ਪਸ਼ੂ ਵੀ ਇਸ ਦੀ ਲਪੇਟ ਚ ਆ ਗਏ ਸਨ | ਪਿੰਡ ਵਾਸੀਆਂ ਵੱਲੋਂ ਇਸ ਕੰਮ ਦੀ ਬਹੁਤ ਸ਼ਲਾਗਾ ਕੀਤੀ ਗਈ | ਆਉਣ ਵਾਲੇ ਦਿਨਾ ਵਿਚ ਅਵਾਰਾ ਕੁਤਿਆਂ ਦੇ ਵੀ ਟੀਕੇ ਲਗਾਏ ਜਾਣਗੇ | ਇਸ ਮੌਕੇ ਲਖਵੀਰ ਸਿੰਘ , ਤਰਨਜੀਤ ਸਿੰਘ , ਡਾ.ਗੁਰਤੇਜ ਸਿੰਘ , ਕੁਲਦੀਪ ਸਿੰਘ , ਗੁਰਮੀਤ ਸਿੰਘ ਆਦਿ ਹਾਜਰ ਸਨ |
 
25ਅਪ੍ਰੈਲ / ਲਖਵੀਰ ਸਿੰਘ ,ਇੰਦੀਵਰ , ਕੁਲਦੀਪ ਸਿੰਘ /ਅੱਜ ਹੋਈ ਬਾਰਸ਼ ਨਾਲ ਮੌਸਮ ਕਾਫੀ ਸੁਹਾਵਣਾ ਹੋ ਗਿਆ | ਗਰਮੀ ਤੋਂ ਕਾਫੀ ਰਾਹਤ ਲੋਕਾਂ ਨੂੰ ਮਿਲੀ | ਪਰ ਹਾੜੀ ਦੀ ਕਟਾਈ ਦਾ ਕੰਮ ਪੂਰੇ ਜੋਰਾਂ ਤੇ ਚੱਲ ਰਿਹਾ ਸੀ ਇਸ ਕਰਕੇ ਕਨਕ ਦੀ ਕਟਾਈ ਤੇ ਤੂੜੀ ਦੀ ਬਣਵਾਈ ਦੇ ਕੰਮ ਵਿਚ ਰੁਕਾਵਟ ਜਰੁਰ ਆਈ |ਸਾਰੀਆਂ ਮ੍ਸ਼ੀਨਾ ਬੰਦ ਕਰਨੀਆਂ ਪਾਈਆਂ | ਖੇਤਾਂ ਵਿਚ ਕੰਮ ਕਰਦੇ ਸਾਰੇ ਲੋਕ ਇਸ ਬਾਰਸ਼ ਕਾਰਨ ਇਕਦਮ ਵੇਹਲੇ ਹੋ ਕੇ ਘਰ ਪਰਤਨ ਵਾਸਤੇ ਮਜਬੂਰ ਹੋਏ |  ਇਸ ਤੋਂ ਪਹਿਲਾਂ ਕਟਾਈ ਦਾ ਕੰਮ ਬਿਨਾ ਰੁਕਾਵਟ ਜਾਰੀ ਰਿਹਾ ਸੀ | ਅਜੇ ਤੱਕ ਅਸਮਾਨ ਪੂਰੀ ਤਰਾਂ ਸਾਫ਼ ਨਹੀਂ ਹੋਇਆ | ਆਉਣ ਵਾਲੇ ਦਿਨਾ ਵਿਚ ਵੀ ਬਾਰਸ਼ ਹੋਣ ਦੇ ਅਸਰ ਹਨ|
ਬੀਤੀ ਰਾਤ ਪਿੰਡ ਆਸਾ ਬੁੱਟਰ ਵਿਖੇ ਇਕ ਪਰਵਾਸੀ ਮਜਦੂਰ ਪਿੰਡ ਦੇ ਲੋਕਾਂ ਨੂੰ ਕਾਫੀ ਬੁਰੀ ਹਾਲਤ ਵਿਚ ਨਜਰ ਆਇਆ |  ਕਰੀਬ ਰਾਤ 9  ਵਜੇ ਦਾ ਸਮਾਂ ਸੀ  | ਇਹ ਮਜਦੂਰ ਆਦਮੀ ਉੱਤਰ ਪ੍ਰਦੇਸ਼ ਦਾ ਰਹਿਣ ਵਾਲਾ ਸੀ ਅਤੇ ਇਸ ਨੇ ਪਿੰਡ ਭੁੱਟੀਵਾਲਾ ਦੇ ਇਕ ਭੱਠੇ ਤੇ ਜਾਣਾ ਸੀ | ਇਸ ਮਜਦੂਰ ਆਦਮੀ ਦੇ ਸਿਰਫ ਪੈੰਟ ਤੇ ਸ਼ਰਟ ਪਾਈ ਹੋਈ ਸੀ ਤੇ ਸਿਰ ਤੇ ਟੋਪੀ ਲਈ ਸੀ | ਕੜਾਕੇ ਦੀ ਕੋਰੇ ਦੀ ਸਰਦੀ ਨਾਲ ਇਸਦਾ ਹਾਲ ਕਾਫੀ ਬੁਰਾ ਸੀ , ਕੁਤਿਆਂ ਦੇ ਹਮਲੇ ਨਾਲ ਉਸਦੇ ਕਾਫੀ ਸੱਟਾਂ ਲੱਗ ਚੁਕੀਆਂ ਸਨ | ਜਿਵੇਂ ਹੀ ਇਹ ਆਦਮੀ ਪਿੰਡ ਦੇ ਕੁਝ ਬੰਦਿਆ ਦੀ ਨਿਗਾਹ ਲੱਗਿਆ ਤਾਂ ਉਹਨਾ  ਬੰਦਿਆ ਨੇ ਉਸਨੂੰ ਅੱਗ ਬਾਲ ਕੇ ਸੇਕ ਦਿਵਾਇਆ ਤੇ ਨਾਮ ਪਤਾ ਜਾਨਣ ਦੀ ਕੋਸ਼ਿਸ਼ ਕੀਤੀ | ਪਰ ਜਿਆਦਾ ਜਾਣਕਾਰੀ ਉਹ ਨਾਂ ਦੇ ਸਕਿਆ ਤੇ ਵੇਖਦੇ ਵੇਖਦੇ ਕਾਫੀ ਲੋਕ ਉਸ ਕੋਲ ਇਕੱਠੇ ਹੋ ਗਏ | ਇੰਨੇ ਨੂੰ ਪਿੰਡ ਦੇ ਬੰਦਿਆ ਵੱਲੋ ਸਹਾਰਾ ਟੀਮ ਨਾਲ ਸੰਪਰਕ ਕੀਤਾ ਗਿਆ | ਸਹਾਰਾ ਦੀ ਟੀਮ ਤੁਰੰਤ ਹਰਕਤ ਵਿੱਚ ਆਈ ਤੇ ਮੌਕੇ ਵਾਲੀ ਜਗਾ ਤੇ ਪਹੁੰਚ ਕੇ ਸਾਰੀ ਜਾਣਕਾਰੀ ਹਾਸਲ ਕਰਨ ਤੇ ਪਤਾ ਲੱਗਾ ਕੇ ਉਕਤ ਮਜਦੂਰ ਉੱਤਰ ਪ੍ਰਦੇਸ਼ ਦਾ ਰਹਿਣ ਵਾਲਾ ਹੈ ਤੇ ਪਿੰਡ  ਭੁੱਟੀਵਾਲਾ ਦੇ ਇੱਕ ਭੱਠੇ ਉਪਰ ਕੰਮ ਵਾਸਤੇ ਆਇਆ ਸੀ ਅਤੇ ਉਹ ਪਹਿਲੀ ਵਾਰ ਪੰਜਾਬ ਆਇਆ ਸੀ | ਤੇ ਰਸਤਾ ਭਟਕਣ ਕਰਨ ਅਤੇ ਸਰਦੀ ਤੇ ਕੁੱਤਿਆਂ ਦੀ ਵਜਾ ਕਾਰਨ ਘਬਰਾਇਆ ਹੋਇਆ ਸੀ | ਸਹਾਰਾ ਟੀਮ ਵੱਲੋ ਤਰਨਜੀਤ  ਸਿੰਘ ( ਚੇਅਰਮੈਨ ),ਲਖਵੀਰ ਸਿੰਘ (ਪ੍ਰਧਾਨ), ਤੇ ਗੁਰਤੇਜ ਸਿੰਘ (ਉੱਪ ਪ੍ਰਧਾਨ ) ਨੇ ਸਹਾਰਾ ਦੀ ਗੱਡੀ ਵਿਚ ਬਿਠਾ ਕੇ ਉਕਤ ਮਜਦੂਰ ਨੂੰ  ਡਾਕਟਰੀ ਉਪਚਾਰ ਦੇਣ ਤੋਂ ਬਾਅਦ ਭੁੱਟੀਵਾਲਾ ਦੇ ਭੱਠੇ ਤੇ ਪਹੁੰਚਾਇਆ | ਉਸ ਭੱਠੇ ਦੇ ਮਜਦੂਰ ਉਕਤ ਮਜਦੂਰ ਦੀ ਕਾਫੀ ਪਿੰਡਾ ਵਿਚ ਭਾਲ ਕਰ ਰਹੇ ਸੀ | ਪਰ ਜਦ ਸਹਾਰਾ ਟੀਮ ਵੱਲੋ ਉਕਤ ਮਜਦੂਰ ਨੂੰ ਉਸਦੇ ਜਾਨਣ ਵਾਲਿਆ ਤੱਕ ਪਹੁੰਚਾਇਆ ਗਿਆ ਤਾਂ ਉਹਨਾ ਦੀ ਖੁਸ਼ੀ ਦਾ ਠਿਕਾਨਾ ਨਾ ਰਿਹਾ ਤੇ ਸਾਰੇ ਭੱਠਾ ਮਜਦੂਰਾਂ ਤੇ ਉਸ ਮਜਦੂਰ ਨੇ ਸਹਾਰਾ ਜਨ ਸੇਵਾ ਸੋਸਾਇਟੀ ਆਸਾ ਬੁੱਟਰ ਦਾ ਤਹਿ ਦਿਲ ਤੋਂ ਧਨਵਾਦ ਕੀਤਾ ਤੇ ਕਿਹਾ ਕਿ ਜੇ ਉਹ ਸਾਡੀ ਮਦਦ ਨਾਂ ਕਰਦੇ ਤਾਂ ਇਸ ਹਾਲਤ ਵਿਚ ਸਾਡੇ ਬੰਦੇ ਦੀ ਮੌਤ ਵੀ ਹੋ ਸਕਦੀ ਸੀ | ਭੱਠਾ ਮਜਦੂਰਾਂ ਵੱਲੋ ਜਬਰਦਸਤੀ ਸਹਾਰਾ ਟੀਮ ਨੂੰ ਪੈਸੇ ਦੇਣ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਸਹਾਰਾ ਟੀਮ ਵੱਲੋ ਇਸ ਕੰਮ ਨੂੰ ਆਪਣਾ ਫਰਜ ਦੱਸਦੇ ਹੋਏ ਕੋਈ ਵੀ ਪੈਸਾ ਨਾਂ ਲੈਣ ਤੋਂ ਸਾਫ਼ ਮਨਾ ਕਰ ਦਿੱਤਾ ਗਿਆ | 

ਆਸਾ ਬੁੱਟਰ /ਲਖਵੀਰ ਸਿੰਘ /25ਵਾਂ ਸਲਾਨਾ ਕ੍ਰਿਕਟ ਟੂਰਨਾਮੇੰਟ ਰਾਮ ਦਸ ਸਪੋਰਟਸ  ਕਲੱਬ ਵਲੋਂ ਕਰਵਾਇਆ ਜਾ ਰਿਹਾ ਹੈ | ਇਸ ਟੂਰਨਾ ਮੇੰਟ ਨੂੰ ਸਿਲਵਰ ਜੁਬਲੀ ਟੂਰਨਾਮੇੰਟ  ਵਜੋਂ ਪ੍ਰੋਮੋਟ ਕੀਤਾ ਜਾ ਰਿਹਾ ਹੈ , ਇਸੇ ਮਹੀਨੇ ਦੇ ਅੰਤ ਵਿਚ ਇਸ ਟੂਰਨਾਮੇਂਟ ਦਾ ਅਯੋਯਨ ਕੀਤਾ ਜਾ ਰਿਹਾ ਹੈ | ਕਲੱਬ ਦੇ ਮੀਤ ਪਰਧਾਨ ਤੇ ਆਸਾ ਬੁੱਟਰ ਏ ਟੀਮ ਦੇ ਕਪਤਾਨ ਲਖਵਿੰਦਰ ਸਿੰਘ ਨੇ ਦੱਸਿਆ ਕਿ ਇਸ ਵਾਰ ਇਲਾਕੇ ਦੀਆਂ ਅਤੇ ਪੰਜਾਬ ਦੀਆਂ ਬਹੁਤ ਦੁਰ ਤੋਂ ਟੀਮਾਂ ਇਸ ਟੂਰਨਾਮੇਂਟ ਵਿਚ ਭਾਗ ਲੈਣਗੀਆਂ | ਇਸ ਵਾਰ ਸਹਾਰਾ ਜਨ ਸੇਵਾ ਸੁਸਾਇਟੀ ਵੱਲੋਂ ਵੀ ਪੂਰੇ ਗ੍ਰਾਉੰਡ ਦੀ ਦਿਖ ਨੂੰ ਬਿਲਕੁਲ ਨਵਾਂ ਬਣਾਇਆ ਜਾ ਰਿਹਾ ਹੈ | ਕਲੱਬ ਦੇ ਪਰਧਾਨ ਸਵਰਨਜੀਤ ਸਿੰਘ ਬਰਾੜ ਨੇ ਕਿਹਾ ਕਿ ਉਹ ਸਾਰੇ ਪਰਵਾਸੀ ਵੀਰਾਂ ਨੂੰ ਇਸ ਟੂਰਨਾਮੇਂਟ ਨੂੰ ਸਫਲ ਬਣਾਉਣ  ਵਾਸਤੇ ਅਪੀਲ ਕਰਦੇ ਹਨ ਉਹ ਇਸ ਟੂਰਨਾਮੇਂਟ ਵਾਸਤੇ ਵਧ ਤੋਂ ਵਧ ਸਹਿਯੋਗ ਦੇਣ | ਜਲਦੀ ਹੀ ਇਸ ਟੂਰਨਾਮੇਂਟ ਦੀ ਪੱਕੀ ਤਾਰੀਖ ਦੱਸ ਦਿੱਤੀ ਜਾਵੇਗੀ |

 ਪਿੰਡ ਦੀ ਅੱਜ ਤੱਕ ਦੀ ਨਸ਼ਿਆਂ ਖਿਲਾਫ਼ ਸਭ ਤੋਂ ਵੱਡੀ ਲੜਾਈ 

ਆਸਾ ਬੁੱਟਰ /ਲਖਵੀਰ ਸਿੰਘ / ਅੱਜ ਪਿੰਡ ਆਸਾ ਬੁੱਟਰ ਵਿਖੇ ਲੋਕ ਸੇਵਾ ਦੇ ਕੰਮ ਕਰ ਰਹੀਆਂ ਸਾਰੀਆਂ ਜੱਥੇਬੰਦੀਆਂ ਵੱਲੋਂ ਨਸ਼ੇ  ਦੇ ਖੁਲੇਆਮ ਚੱਲ ਰਹੇ ਕਾਰੋਬਾਰ ਤੇ ਰੋਕ ਲਗਾਉਣ ਲਈ ਇੱਕ ਸਾਂਝਾ ਕਦਮ ਉਠਾਇਆ ਗਿਆ | ਸਹਾਰਾ ਜਨ ਸੇਵਾ ਸੁਸਾਇਟੀ ,ਬਾਬਾ ਜੀਵਨ ਸਿੰਘ ਸਪੋਰਟਸ ਤੇ ਵੇਲ੍ਫੇਅਰ ਕਲੱਬ , ਰਾਮ ਦਾਸ  ਸਪੋਰਟਸ ਕਲੱਬ ਤੇ ਸੰਯੁਕਤ ਸਪੋਰਟਸ ਤੇ ਵੇਲ੍ਫੇਅਰ ਕਲੱਬ ਵਿਚੋਂ 21 ਮੈਂਬਰਾਂ ਦੇ ਨਾਮ ਲਈ ਕੇ ਇਸ ਮੋਰਚੇ ਦੀ ਸਥਾਪਨਾ ਕੀਤੀ ਗਈ | ਇਸ ਮੌਕੇ ਇਸ ਮੋਰਚੇ ਵੱਲੋਂ ਨਸ਼ਿਆਂ 


ਦੇ ਕਾਰੋਬਾਰ ਤੇ  ਮੁਕੰਮਲ  ਰੋਕ ਲਗਾਉਣ 

ਲਈ ਪਿੰਡ ਵਿਚ ਚੱਲ ਰਹੇ ਸਾਰੇ ਮੈਡੀਕਲ ਸਟੋਰਾਂ ਤੇ ਆਰ ਐਮ ਪੀ ਡਾਕਟਰਾਂ ਨੂੰ ਇੱਕ ਸੱਦਾ ਪੱਤਰ ਦਿੱਤਾ ਗਿਆ ,ਜਿਸ ਵਿਚ ਇਸ ਮੁਹਿੰਮ ਵਿਚ ਸਹਿਯੋਗ ਕਰਨ ਲਈ ਮੈਡੀਕਲ ਸਟੋਰ ਮਾਲਕਾਂ ਨੂੰ ਸੱਦਾ ਦਿੱਤਾ ਗਿਆ | ਅਗਲੇ ਹਫਤੇ ਇਹਨਾਂ ਮੈਡੀਕਲ ਸਟੋਰ ਮਾਲਕਾਂ ਤੇ ਆਰ ਐਮ ਪੀ ਡਾਕਟਰਾਂ  ਕੋਲੋਂ ਨਸ਼ੇ ਨਾਂ ਵੇਚਣ ਸੰਬੰਧੀ ਸਵੈ ਘੋਸ਼ਣਾ ਪੱਤਰ ਵੀ ਦਸਤਖਤ ਕਰਵਾ ਕੇ ਲਏ ਜਾਣਗੇ | ਇਸ ਮੋਰਚੇ ਨੂੰ ਪਿੰਡ ਦੀ ਅੱਜ ਤੱਕ ਦੀ ਨਸ਼ਿਆਂ ਖਿਲਾਫ਼ ਸਭ ਤੋਂ ਵੱਡੀ ਲੜਾਈ ਦੇ ਵਜੋਂ ਵੇਖਿਆ ਜਾ ਰਿਹਾ ਹੈ |ਇਸ ਵਿਚ ਰਜਿੰਦਰ ਸਿੰਘ ਪ੍ਰਧਾਨ , ਜਗਰੂਪ ਸਿੰਘ ਉੱਪ ਪ੍ਰਧਾਨ ਚੁਣੇ ਗਏ ਤੇ ਹਰਜਿੰਦਰ ਸਿੰਘ ,  ਲਖਵੀਰ ਸਿੰਘ ,ਲ੍ਸ਼੍ਮਨ ਸਿੰਘ ,ਜਸਕਰਨ ਸਿੰਘ ,ਤਰਨਜੀਤ ਸਿੰਘ , ਗੁਰਤੇਜ ਸਿੰਘ ,ਮਨਜੀਤ ਸਿੰਘ , ਕੁਲਦੀਪ ਸਿੰਘ ,ਮਨਪ੍ਰੀਤ  ਸਿੰਘ , ਸੰਦੀਪ ਸਿੰਘ , ਲਖਵਿੰਦਰ ਸਿੰਘ , ਸਵਰਨਜੀਤ ਸਿੰਘ , ਸੁਖਪ੍ਰੀਤ ਸਿੰਘ , ਆਦਿ ਇਸ ਦੇ 


ਮੈਂਬਰ ਚੁਣੇ ਗਏ |

ਆਸਾ ਬੁੱਟਰ /20  ਅਕਤੂਬਰ / ਅੱਜ ਦੋਪਿਹਰ 12  ਵਜੇ ਆਸਾ ਬੁੱਟਰ ਤੋਂ ਹਰੀਕੇ ਕਲਾਂ ਸੜਕ ਤੇ ਬਿਜਲੀ ਕਰੰਟ ਲੱਗਣ ਨਾਲ ਹੋਏ  ਇੱਕ ਭਿਆਨਕ ਹਾਦਸੇ ਚ ਇਕ ਅਸਥਾਈ ਬਿਜਲੀ ਕਾਮਾ ਹੈਪੀ ਸਿੰਘ ਪੁੱਤਰ ਗੋਰਾ ਸਿੰਘ ਵਾਸੀ ਉਦੇਕਰਨ ਬੁਰੀ ਤਰਾਂ ਜਖਮੀ ਹੋ ਗਿਆ | ਹਾਦਸਾ ਓਸ ਵੇਲੇ ਹੋਇਆ ਜਦੋਂ ਹੈਪੀ ਸਿੰਘ (ਕਾਮਾ ) 11000KV ਵਾਲੇ ਖੰਬੇ ਉੱਪਰ ਤਾਰਾਂ ਲਗਾ ਰਿਹਾ ਸੀ ਅਚਾਨਕ ਉਸੇ ਲਾਇਨ ਚ ਬਿਜਲੀ ਆ ਜਾਨ ਕਰਕੇ ਓਹ ਤੇਜੀ ਨਾਲ ਸੜਕ ਤੇ ਡਿੱਗਾ ਤੇ ਬੇਹੋਸ਼ ਹੋ ਗਿਆ | ਨੇੜੇ ਫਿਰਦੇ ਲੋਕਾ ਤੇ ਉਸਦੇ ਸਾਥੀਆ ਨੇ ਉਸਨੂੰ ਮਿੱਟੀ ਚ ਦਬਾਇਆ ਤੇ ਆਟੇ , ਘਿਓ ਦੀ ਮਾਲਸ਼ ਕੀਤੀ | ਇੰਨੇ ਨੂੰ ਇਸ ਘਟਨਾ ਦੀ ਜਾਨਕਾਰੀ ਸਹਾਰਾ ਟੀਮ ਨੂੰ ਦਿੱਤੀ ਗਈ , ਜਿਸ ਤੇ  ਤੁਰੰਤ ਹਰਕਤ ਵਿਚ ਆਉਂਦਿਆ ਸਹਾਰਾ ਵਲੋਂ ਲਖਵੀਰ ਸਿੰਘ ਤੇ ਤਰਨਜੀਤ ਸਿੰਘ ਨੇ ਮੌਕੇ ਤੇ ਪਹੁੰਚ ਕੇ ਜਖਮੀ ਨੂੰ ਬਿਨਾ ਕਿਸੇ ਦੇਰੀ ਦੇ ਹਸਪਤਾਲ ਲਿਜਾਣ  ਲਈ ਗੱਡੀ ਵਿਚ ਪਾ ਕੇ ਮੁਕਤਸਰ ਪਹੁੰਚਾਇਆ ਗਿਆ | ਜਖਮੀ ਨੂੰ ਮਾਲਵਾ ਹਸਪਤਾਲ ਵਿਚ ਐਮਰਜੇਂਸੀ ਵਾਰ੍ਡ ਚ ਦਾਖਲ ਕਰਵਾਇਆ ਗਿਆ | ਤਾਜਾ ਖਬਰ ਮਿਲਣ ਤੱਕ ਹੈਪੀ ਸਿੰਘ ਦੀ ਹਾਲਤ ਬਹੁਤ ਠੀਕ ਸੀ | ਓਹ ਪੂਰੀ ਤਰਾਂ ਹੋਸ਼ ਵਿਚ ਆ ਗਿਆ ਹੈ |  
ਆਸਾ ਬੁੱਟਰ /ਲਖਵੀਰ ਸਿੰਘ / ਝੋਨੇ ਦੀ ਕਟਾਈ ਅੱਜ ਕੱਲ ਪੂਰੇ ਜੋਰ ਤੇ ਚੱਲ ਰਹੀ ਹੈ ਤੇ ਪਿੰਡ ਦੀ ਦਾਨਾ ਮੰਡੀ ਚ ਝੋਨੇ ਦੀ ਵਿਕਰੀ ਵੀ ਪੂਰੇ ਜੋਰ ਤੇ ਚੱਲ ਰਹੀ ਹੈ | ਝੋਨੇ ਦੀ ਖਰੀਦ ਹੋਈ ਫ਼ਸਲ ਦੀ ਚੁਕਾਈ ਵੀ ਠੀਕ ਠਾਕ ਹੈ | ਕਿਓਂਕਿ ਚੋਣਾ ਵੀ ਨੇੜੇ ਹਨ | ਇਸ ਕਰਕੇ  ਝੋਨੇ ਦੀ ਖ਼ਰੀਦ ਵਿਚ ਕਿਸੇ ਕਿਸਮ ਦੀ ਕੋਈ ਕਮੀ ਨਹੀ ਹੈ | ਦੂਜੀ ਗੱਲ ਇਹ ਕਿ ਇਸ ਵਾਰ ਮੌਸਮ ਵੀ ਠੀਕ ਚਲ ਰਿਹਾ ਹੈ , ਜਿਸ ਤੋਂ ਝੋਨੇ ਦੀ ਕਟਾਈ ਦਾ ਕੰਮ ਵੀ 70 % ਪੂਰਾ  ਹੋ ਚੁੱਕਾ ਹੈ ਤੇ ਬਾਕੀ ਕਟਾਈ ਦਾ ਕੰਮ ਵੀ ਹਫਤੇ ਤੱਕ ਪੂਰਾ ਹੋਣ ਦੀ ਆਸ ਹੈ | ਮੰਡੀ ਦੀ ਲੇਬਰ ਦੇ ਕੁਝ ਸ਼ਰਾਰਤੀ ਅਨਸਰਾਂ ਵੱਲੋਂ  ਕੁਝ ਘਰਾਂ ਦਾ ਝੋਨਾ ਚੋਰੀ ਕਰਨ ਦੀ ਖਬਰ ਵੀ ਮਿਲੀ ਸੀ | ਪਰ ਇੱਕ ਦੋ ਘਟਨਾਵਾ ਨੂੰ ਛੱਡ ਕੇ ਕੰਮ ਸ਼ਾਂਤੀ ਪੂਰਨ ਚੱਲ ਰਿਹਾ ਹੈ | 

More

Most Trending